Ehrungen för 60 Johr Mitgliedschop.

Dat is intwüschen een moje Traadition, dat de Boßelvereen Grabstä siene olen Mitglieder an een kommodigen Namiddag för ehre lange Togehörigkeit to´n FKV (Friesischer Klootschießerverband) ehren deit. Nich all de Mitglieder, de lesdens in´t Vereenslokal bi´n Stickop ehrt wurrn sünd, hebbt dat Boßeln in een van de domals twee Boßelverene in Grabstä lehrt; de sünd in´n Loop van de Tied na Grabstä ümtrucken.

Ene Boßlerin un twölf Boßlers hebbt Anstecknadel un Urkunde van´n FKV kregen un fief dorvon sünd noch aktiv. Se hebbt in een van de veer Verermannschoppen van´n Boßelvereen Grabstä an de Seniorenwettkämpfe van´n Boßelkreis Friesische Wehde dellnomen.

Op dat Foto sünd van links na rechts boben to sehn: Udo Lammers-Alfred Bakermann-Erwin Meyer-Karl-Heinz Tapken un Hermann Hurling un ünnen Hans-Hermann Wilhelms-Uwe Klaproth-Enno Neumann-Gerda Sagemann-Manfred Caspers un Johann Eilers. Nich op dat Foto sünd Erwin Hurling un Wolfgang Kämpfe.

De Ehrung vörnomen hebbt de beiden Vörsitterbasen Fritz-Georg Töben un Günter Nannen, op dat Foto boben rechts.

Na de Ehrung hett de Gesellschop bi Koffie un Koken op plattdüütsch veel över Boßeln in ole Tieden snackt un in Erinnerungen swelgt.

Text: Heinrich Ihmels.